Hámarksfjöldi þátttakenda í hverjum hóp í Hjólafærni miðast við sex nemendur og voru því fimm hópar, sem hentaði einkar vel í þróunarkennsluna. Kennd voru fyrstu tvö stig Hjólafærninnar og útskrifuðust 22 nemendur með formlegri athöfn á Evrópska umferðaröryggisdeginum 13. október 2008, sem var einmitt tileinkaður öryggi gangandi og hjólandi vegfarenda.
Vorið 2009 var öllum nemendum í 4. og 5. bekk Álftamýrarskóla boðið að taka þátt í Hjólafærninámskeiði og þáðu yfir 75% nemenda boðið. Eins var foreldrum boðið á sérstakt foreldranámskeið sem og einum hóp úr 8. bekk skólans.
Viðhorfskönnun á meðal foreldra að loknum námskeiðunum vorið 2009, endurspeglaði gríðarlega almenna ánægju með námsframboðið.
