Þar er að finna allt efnið af prentaða kortinu Cycling Iceland frá því að það kom fyrst út 2013. Hér er einnig hægt að nálgast pdf útgáfu af báðum hliðum kortsins á bæði ensku og íslensku:
Íslenska hjólakortið - framhlið
Íslenska hjólakortið - bakhlilð
Þetta er öflug upplýsingamiðlun á þörfum hjólandi ferðalanga; öll þekktri hjólaþjónustu á landinu; viðgerðarverkstæði, hjólabúðir, leigur og fleira. Nokkrir hjálpsamir einstaklingar eru merktir sem Bicycle repair enthusiast in emargency Til þeirra má leita með biluð hjól og þeir gera hvað þeir geta til að aðstoða ferðalangana.
Á vefnum er til niðurhals listi í pdf yfir öll tjaldsvæði og hálendisskála á landinu. Á sjálfu kortinu eru öll tjaldsvæði landsins merkt inn og nafngreind. Þar er einnig tákn fyrir verslanir, sundlaugar, aðgengilegar náttúrulaugar, gistingu og matsölustaði. Þá er undirlag vega merkt inn á kortið og einnig hversu mikillar umferðar má vænta á vegum landsins. Brekkur eru teiknaðar inn með mismunandi litum eftir halla þeirra og eins er hægt sjá hvort farið sé niður eða upp þessa halla.
Kortið hefur fengið góða kynningu, bæði á innlendum og erlendum miðlum og er stöðug eftirspurn einstaklinga erlendis frá eftir kortinu. Starfsmenn þjónustumiðstöðva ferðamanna um allt land, hafa mikla velþóknun á kortinu – enda eitt besta fríkort sem hægt er að næla sér í fyrir ferðalag um landið.
Hjólaleiðir um Höfuðborgarsvæðið er af mörgum talið albesta hjólakortið sem unnið hefur verið og birt hér í PDF skjali, öllum frjálst að hala niður eða prenta út, er hluti af B-hlið hjólakortsins. Aðalhöfundur þess Andreas Macrander.
Kortið hefur verið frítt í dreifingu innanlands og er lögð megináhersla á að það sé aðgengilegt á tjaldsvæðinu í Laugardal, upplýsingamiðstöðvunum í Bankastræti og Aðalstræti í Reykjavík, sem og í upplýsingamiðstöðvunum í Hveragerði, Vatnajökulsþjóðgarði, Egilsstöðum, Hofi á Akureyri, Borgarnesi og Ísafirði. Það má panta með tölvupósti í
Áfram er hægt að skoða á netinu eldri útgáfur hjólakortsins.
Cycling Iceland 2016
Hjólafærni stýrir dreifingu á kortinu. Það má panta í síma 864 2776 eða senda tölvupóst á
Fjölmargir hafa lagt hönd á plóginn við útgátu þessa korts frá árinu 2013, þegar það kom fyrst út. Við hofum notið styrkja frá m.a. Vinum Vatnajökuls, Ferðamálastofu, Umhverfis- og auðlindaráðuneytinu, Atvinnuvega- og nýsköpunarráðuneytinu, Höfuðborgarstofu, ergo, Landsbankanum, Landssamtökum hjólreiðamanna, Reykjavíkurborg, Do The Right Mix, Vegagerðinni og Ferðamálahóp Borgarfjarðar.
