Hjólaskóli Hjólafærni og Dr. Bæk verður með þrjú námskeið í sumar fyrir börn á aldrinum 9 – 12 ára (fædd 2002-2005).
Markmið hjólaskólans er að efla öryggi og færni barna á hjólinu. Farið verður yfir stillingar á hjóli og hjálmi. Æfð hjólatækni með leikjum og þrautum, hjólað í hóp um hverfið auk þess sem börnin munu læra helstu reglur og viðmið í umferðinni.
Námskeiðið er hálfur dagur eða þrír klukkutímar fyrir utan einn dag sem er sex klukkutímar. Þá verður farið í lengri hjólaferð um borgina og boðið verður upp á pylsur og safa. Það mun ráðast af veðurspá hvenær langa hjólaferðin verður. Hún mun þó alltaf fara fram á seinni hluta námskeiðs.
Börnin þurfa að vera klædd eftir veðri.
Létt nesti þarf alla dagana.
Boðið verður upp á grillveislu í löngu hjólaferðinni.
Skylda er að vera með hjálm.
Námskeiðin fara öll fram frá kl. 13:00 – 16:00. Langi dagurinn er frá kl. 10:00 – 16:00.
1. námskeið: Haldið dagana 10. – 13. júní (4 dagar) við Laugardalslaug. Mæting við aðalinngang laugarinnar. Verð: 14.500 krónur, 15% systkinaafsláttur.
2. námskeið í samstarfi við íþróttafélagið FRAM: Haldið dagana 16. – 20. júní (4 dagar) í Úlfarsárdalnum. Ekki er kennt þriðjudaginn 17. júní. Mæting við Framheimilið, Úlfarsbraut 126, 113 Reykjavík. Verð: 14.500 krónur, 10% systkinaafsláttur.
3. námskeið í samstarfi við íþróttafélagið FYLKI: Haldið dagana 23. – 27. júní (5 dagar) í Norðlingaholti. Mæting við Fylkissel, Norðlingabraut 12, 110 Reykjavík. Verð: 17.500 krónur, 15% systkinaafsláttur.
Umsjón með námskeiðunum hafa grunnskólakennararnir Bjarney Gunnarsdóttir og Sesselja Traustadóttir. Þær hafa einnig lokið kennaranámskeiði í Hjólafærni.
Hægt er að skrá sig á námskeiðin hér.
Nánari upplýsingar á This email address is being protected from spambots. You need JavaScript enabled to view it. eða í síma 696 3984