Andreas Macrender er stórkostlegur rannsakandi og manna fróðastur um almenningssamgöngur á Íslandi, tjaldsvæði og leggur feykilega mikið til í upplýsingaöflunina fyrir Cycling Iceland kortið. Hann fer allra sinna ferða á hjóli, gangandi, í strætó eða með skipum. 

Árni Davíðsson er líffræðingur og framhaldsskólakennari. Hann hefur notað reiðhjólið til samgangna á höfuðborgarsvæðinu frá 1987, fyrst á sumrin en seinna jafnt sumar og vetur. Árni notar einnig bíl, strætó og göngu til samgangna. Hann lauk bresku Bikeability námskeiði vorið 2008, sem markaði upphafið að starfi Hjólafærni á Íslandi. Yfir vetrarmánuðina leiðir Árni hjólaferðir frá Hlemmi, sem er samstarfsverkefni LHM og Hjólafærni. 

Darri Mikaelsson er einn af reynslumestu Doktorum Hjólafærni. Hann hefur starfað með okkur frá upphafi.  

Guðbjörg Lilja Erlendsdóttir er móðir, eiginkona og verkfræðingur á samgöngusviði Reykjavíkurborgar. "Ég er svo heppin að starfa við áhugamálið mitt sem eru umferðaröryggi og samgöngur hjólandi og gangandi vegfarenda, sérstaklega m.t.t. aðgengismála og jafnréttis. Mér finnst hjólið frábær fararskjóti, ódýr, fljótlegur og sveigjanlegur. Ég hjóla samt fyrst og fremst af því að mér finnst það gaman og ég finn að það gerir mér gott."

Haukur Eggertsson er liðtækur Dr. Bæk, með munninn fyrir neðan nefið og hefur hjólað út um allt land og alla Evrópu. Hann býður upp á skemmtilegan ferðafyrirlestur.

Jón Haukur er nýjasti liðsmaður Hjólafærni í röðum Dr. Bæk. Frábær liðsmaður í okkar starf. 

Kjartan Guðnason er í stjórn Hjólafærni og bregður sér í slopp Dr. Bæk á góðviðrisdögum. 

Morten Lange er einn af stofnfélögum Hjólafærni á Íslandi. Hann sinnir einkum ráðgjöf fyrir félagið og erlendum samskiptum. 

Nina Ivanova er annar höfunda Cycling Icelands kortsins sem Hjólafærni gefur út. 

Ómar Smári Kristinsson er höfundur Cycling Iceland kortsins sem Hjólafærni gefur út. 

Sesselja Traustadóttir framkvæmdastýra Hjólafærni frá stofnun þess, hefur óendanlegan áhuga á samgönguhjólreiðum og virkum samgöngum. Sesselja er handhafi Samgönguviðurkenningar Reykjavíkurborgar árið 2014 fyrir frumkvöðlastarf. Hún hefur á liðnum árum farið um allt land og alla leið til Ástralíu með fyrirlestra, ástandsskoðun Dr. Bæk og kennt hjólviðgerðir á námskeiðum og í skólum.

Sólver Sólversson er einn af reynslumestu Doktorum Hjólafærni. Hann hefur starfað með okkur frá upphafi.  

Örlygur Sigurjónsson er einn af reynslumestu Doktorum Hjólafærni. Hann hefur starfað með okkur frá upphafi.